Shugaban Iran Ebrahim Raisi ya rasu sakamakon hatsarin jirgin helikwafta


AS-SALAM ALAIKUM 

YAU LITININ 

12 GA ZUL QIDAH 1445

20 GA MAYU 2024

🇳🇬Shugaban kasa Bola Ahmed Tinubu ya nada Ajuri Ngelale matsayin wakilin shugaban kasa na musamman kan ayyukan sauyin yanayi Haka zalika, Ngelale ne sakataren sabon kwamitin mutane 25 da aka kafa kan shirin tattalin arziki na Green Economic Initiatives (GEI) Kafin wannan nadin, Ajuri Ngelale shi ne mai ba Tinubu shawara na musamman kan harkokin yada labarai.

🇳🇬Ɗan takarar Shugaban Kasa na jam’iyyar Labour Party (LP) a Zaɓen 2023, Peter Obi, ya ziyarci waɗanda harin masallaci ya rutsa da su a Jihar Kano.

Peter Obi wanda a jiya Lahadi ya sauka a filin jirgin saman Malam Aminu Kano, kai tsaye ya wuce Asibitin ƙwararru na Murtala Muhammad, inda wasu daga cikin waɗanda abin ya shafa ke jinya.
A jawabinsa, Peter Obi ya ce, “wannan abu ne mai ban tsoro da dole a yi Alla wadai da shi.

“Abin baƙin ciki ne irin wannan lamari na iya faruwa a ƙasarmu a yau.

“Ba wanda zai iya faɗin wani dalili da zai sanya wannan matashi ya kai wa ’yan uwansa irin mummunan hari.

“Duk da haka ba za mu daina yin Allah wadai da irin wannan aika-aikar a kan mutane ba.

“Dalilin wannan ziyara da na kawo shi ne jajanta wa waɗanda lamarin ya shafa da nuna damuwa kan irin raɗaɗin da suke ɗanɗanawa
🇳🇬An shiga jimami bayan babbar mota ta murkushe bas guda 4 a jihar Imo.

Akalla mutane 15 ne aka ruwaito sun mutu a hadarin, inda aka tattara wasu zuwa asibiti.

Hadurran mota sun zama ruwan dare a Najeriya, ana yawan asarar rayuka.
Shaidun gani da ido sun shaidawa jaridar Premium Times, cewa da alama motar ta samu matsala a birki ne wanda ya kai ga aukuwar hadarin.

DAGA ƘASASHEN WAJE 

Shugaban Iran Ebrahim Raisi ya mutu sakamakon hatsarin jirgin helikwafta

Kamar yadda wani jami'in gwamnatin ƙasar ya shaida wa kamfanin dillancin labarai na Reuters, ya ce shugaban kasar ya rasu ne tare da ministan harkokin wajen kasar Hossein Amirabdollahian

🌍Burkina Faso da Mali da Nijar da ke ƙarƙashin mulkin soja, sun kammala shirye-shiryen samar da ƙungiyar gamayyar ƙasashen.

Lamarin na zuwa ne bayan da ƙasashen suka juya wa Faransa da ta yi musu mulkin mallaka baya, inda suka karkata akalarsu wajen Rasha a yanzu.
🌍Rundunar Sojin Jamhuriyar Dimokuraɗiyya Kongo ta ce ta daƙile juyin mulkin da wasu ’yan ƙasar da na ƙetare suka yi yunƙurin yi wa Shugaba Felix Tshikedi a Kinshasa, babban birnin ƙasar.

Rundunar ta ce an yi yunkurin kifar da gwamnatin kasar ne da sanyin safiyar ranar Lahadi a kofar gidan Ministan Kula da Tattalin Arziki da ke yankin Gombe, inda nan ne ofishoshin shugaban kasar yake.

Cikin wani jawabi da ya fitar ta gidan talbijin na ƙasar, mai magana da yawun sojojin ƙasar, Burgediya Janar Sylavin Ekenge, ya ce a yanzu ƙura ta lafa, kuma sojojin ƙasar na tsare da wasu da ake zargi da hannu a lamarin.

FAGEN WASANNI 
⚽An ɓarke da shewa a filin wasa na Etihad bayan da Man City ta doke West Ham da ci 3-1, yayin da Arsenal kuma ta yi nasara a kan Everton da ci 2-1 a Emirates. 

Hakan na nufin City ta ƙare da maki 91, Arsenal kuma na da 89.
⚽Dandazon magoya bayan kungiyar Manchester City sun yi dafifi a cikin filin wasa na Etihad inda suke murnar lashe gasar firimiyar bana.
🏐Arsenal a gasar Premier League ta bana:

• Babu wata ƙungiya a cikin manyan ƙungiyoyi shida na gasar da suka samu nasara akan su
• Ƙungiya ta biyu mafi yawan zura ƙwallaye
• Ƙungiya mafi ƙarancin zura mata ƙwallaye
• Ƙungiya mafi ƙarancin kaiwa 

Akwai taɓa zuciya bayan wannan namijin ƙoƙarin batare da ka lashe kofin ba! 💔
,,,,,,,,,,,,,,,,,,,,,,........

Allah ya gafarta mana mu da iyayen mu Allah ya sanya tausayin mu a zukatan shugabanin mu.Allah ya haɗa mu da alherin wannan rana ta Litinin.
,,,,,,,,,,,,,,,,,,,,,,,,,,,,,,,,,,,

MARUBUCI MUHAMMAD AUWAL SULEIMAN DUTSE

Comments

Post a Comment

Popular posts from this blog

Kotun kolin kasar nan ta sanya yau Juma’a 19 ga watan Janairu domin yanke hukunci kan takaddamar zaben gwamnan da ya gabata a jihohi biyar

Image
Yau Juma'a 07--Rajab-1445 19-Janairu 2024 ⚖️Kotun kolin kasar nan ta sanya yau Juma’a 19 ga watan Janairu domin yanke hukunci kan takaddamar zaben gwamnan da ya gabata a jihohi biyar. Jihohin da kotun zata yanke hukunci kan kararrakinsu idan Allah ya kaimu yau sun haɗa da Ogun, Kebbi, Nasarawa, Gombe da kuma Delta. 🤓Shugaban jam’iyyar APC na riko Dakta Abdullahi Ganduje ya ce 'yan siyasar Nijeriya sune da alhakin tabarbarewar harkokin zabe a Nijeriya. 🥹Gwamna Dauda Lawal Dare ya rattaba hannu a kan dokar haramta wa sarakunan gargajiya ba da izinin hakar ma’adinai a fadin Jihar Zamfara.   Dokar wadda ta fara aiki nan take an sanya mata hannu a wannan Alhamis din a Fadar Gwamnatin Zamfara da ke Gusau. Cikin sanarwar da mai magana da yawun gwamnatin jihar, Sulaiman Bala Idris ya fitar, ya bayyana cewa dokar da gwamnan ya sanyawa hannu za ta dakile ababen da ke kara rura wutar ta’addancin ’yan bindiga a jihar.     Mai magana da yawun gwamnan ya
Read more

Wata tsohuwa ƴar shekara 80 ta ƙone ƙurmus a wata gobara da ta ƙone gidaje 50

Image
ASSALAM ALAIKUM      YAU LITNIN 10 GA RAJAB 1445 22--JANAIRU 2024 🇳🇬Nuhu Ribadu, Mashawarcin Musamman kan Harkokin Tsaro na Shugaba Bola Tinubu, ya gana da takwaran sa na gwamnatin Amurka, domin tattauna batutuwa na matsalar tsaro. Cikin wata sanarwa da Fadar Shugaban Gwamnatin Amurka ta fitar a ranar Alhamis, ta ce Ribadu ya gana da Jake Sullivan, Mashawarcin Shugaban Amurka kan Harkokin Tsaro. Tattaunawar ta su ta jiɓinci matsalar yadda za a daƙile ta’addanci da kuma muhimmancin kula da haƙƙin ɗan Adam. Su biyun sun kuma tattauna babubutwa da suka jiɓinci ƙara wa dimokraɗiyya karsashi da kuma samar da nagartacciyar gwamnati a ƙasashen Afrika. 🧐Lambar tsohon gwamnan jihar Neja ta fito a wajen badaƙalar N4bn. Hukumar EFCC ta maka tsohon gwamnan a gaban kotu kan zargin wawurar dukiya. Hukumar ta kai shi kotun ɗaukaka ƙara bayan wata babbar kotu ta yanke hukuncin da ba ta gamsu da shi ba. 🏦Ministan tsaro, Muhammad Badaru, ya ya bawa magajin sa na j
Read more

Wata gobara da ta tashi a Kasuwar Wayar Hannu da aka fi sani da Kasuwar Jagwal

Image
ASSALAM ALAIKUM YAU LARABA 12 GA WATAN RAJAB 1445,DAI-DAI DA 24 GA WATAN JANAIRU 2024. 🇳🇬Hukumar yaki da masu yi wa tattalin arzikin kasa zagon kasa za ta gurfanar da tsohon gwamnan jihar Anambra, Willie Obiano a  yau Laraba, 24 ga watan Janairu, a gaban mai shari’a Inyang Ekwo na babbar kotun tarayya da ke Abuja, bisa zargin almundahanar kudi har N4,008,573,350.  Wakilinmu ya tattaro cewa a jiya Talata  za a gurfanar da tsohon gwamnan a gaban kuliya bisa laifuka tara.  Wannan ci gaban ya zo ne bayan mako guda da Shugaban Hukumar EFCC, Ola Olukoyede ya sha alwashin sake duba duk wasu manyan laifuka da aka yi watsi da su, musamman wadanda suka shafi tsofaffin Gwamnoni da Ministoci. 🚙Ministan Birnin Taraya, Nyesom Wike, ya ce nan ba da da jimawa za a haramta wa maohtocin haya marasa fantin gwamnati aiki a birnin. Wike ya shaida wa wani taron ’yan jarida a Abuja cewa yin hakan ya zama dole domin kawar da ayyukan masu motocin da ke yi wa fasinoji fashi, wadanda a
Read more